Ex minsiter di enseyansa Rudy Lampe ta duna di conoce cu e la sigui e plan di gobernacion manera mester ta. Na pagina 16 di e plan di gobernacion ta para implementacion di scol Arubano multilingual den e enseñansa. SAM a keda implementa pa asina duna Papiamento un luga den enseñansa di Aruba banda di e idiomanan di Hulandes , Spaño y Ingles.
Segun ex minister di enseñansa unabes cu e consulta a tuma luga y tur hende sa kico ta e conclusion y cu e documento a keda carga door di tur e stakeholdes tambe SIMAR , e ora a cuminsa cana e caminda pa implementacion di e plan.
Sinembargo ya caba ta existi pa hopi aña caba e proyecto scol multilingual cu tabata yama PSML cu a keda implementa na dos scol cu ta colegio San Jose di SKOA y na Conrado Coronel di DPS. E dos scolnan aki tabatin e proyecto piloto cu nan mester a ehecuta. Na momento cu e resultado a sali afo di e proyecto di Papiamento na e scolnan e tabata sumamente positivo.
Segun ex minister di enseñansa Rudy Lampe e muchanan a pasa 6 aña na colegio San Jose y a pasa 6 aña na colegio Conrado Coronel. Na momento cu e muchanan a Sali di e scol pa bay scol secundario e scolnan di MAVO tabata hopi entusiasma cu e muchanan cu a sali di e scol unda cu Papiamento ta e idioma di instruccion .
A investiga y evalua e muchanan aki y e resultado tabata sumamente positivo unda cu e muchanan nan idioma di Hulandes ta di mes un nivel cu e muchanan cu ta studia den idioma Hulandes, tambe e muchanan tabata critico y participativo y e resultado tabata cu e piloto proyecto tabata un exito pa e muchanan di Aruba.
Na momento cu esaki tabata conoci a cambia e nomber di PSML paso e no ta bay ta un proyecto mas pero e lo keda implementa como un plan nacional y ta yama SAM cu ta significa Scol Arubano multilingual pa asina duna honor na nos cultura