Fruta y berdura ta hunga un rol importante den nos alimentacion. Nan ta contene un cantidad halto di vitamina, mineral y antioxidante cu nos mester tur dia.
Fruta y berdura ta contene fibra cu ta importante pa nos sistema digestivo y ta contene 0 colesterol y masha poco caloria.
Pa tin mas beneficio, trece variacion den sorto, color y preparacion di fruta y berdura.
Recomendacion pa fruta pa dia ta 2 porcion. Un (1) porcion ta ekivalente na 1 fruta fresco (p.e. apelsina, apel, bacoba mediano), ½ copi di salada di fruta of ¼ copi di fruta seco (rasenchi/pruim).
Recomendacion pa berdura ta 2 porcion of mas pa dia. Pa berdura 1 porcion ta ekivalente na 1 copi di berdura herbi of 2 copi di berdura den forma di salada.
Bo tabata sa cu fruta y berdura frozen ta mes bon cu fresco?
Sa bo numbernan pa un fin di aña saludabel!