SocialLocal

SABIDURIA DEN NOS ALEGRIA Skirbi pa Ruthy”Lady Ruth” Vrieswijk-Bergen

Nino Comenencia 3

Awe nos relato lo ta tocante e anochi di un charla sumamente interesante tocante drumimento y
presentacion di e buki titula : “Bulletproof sleep, make sleep count again” skirbi pa e dentista
rubiano biba na Merca Dr.Joan Werleman. E buki ta trata e syndroom di Apneu. Esaki ta un
disturbio durante sonjo cu ta afecta respiracion normal ora di drumi. Segun datonan presenta tin
bastante hende cu no ta hala rosea bon ora di drumi, ta ronca of pega den nan rosea. A duna
hopi splicacion kico profesionalnan por hasi pa atende y anda cu Syndroom di Apneu. Dr. Joan
Werleman a bay studia na Merca cu su 18 anja di edad y a gradua na University of Maryland
School of Dentistry na 1992. Na 2015 Joan a cuminsa cu un programa di “Dental sleep
medicine” na Tufts University School of Dental Medicine. Su pasion pa medicina dental
relaciona cu “drumi miho”ta e resultado di su amor pa studia pa bida largo y obtene experiencia
extensivo , profundo y amplio pa por garantiza cambio di bida di su pashentnan y yuda nan
descubri e poder di un bon sonjo.Y papiando di e poder di un bon sonjo, nos ta manda nos mas
sincero palabranan di condolencia, consuelo y amor pa esposa y yiunan y mama di su yiunnan
y demas famia y amigonan di nos bario Dakota tur dia, cu e fayecimento di nan ser stima
Alejandro “Ninjo” Comenencia. Un amigo, un musico,a bay drumi den brasa di su Creador di
amor. E la drenta su sonjo eterno, y lo sigui briya den Reino Celestial. Esaki ta e sonjo cu nos
tur tin cu drenta den un dia, tardi of tempran. Esaki ta e ultimo sonjo “bullet proof” cu nos niun
por scapa di dje. Nos ta cumpli cu nos misionnan aki na mundo, ser un bon hende, yuda y stima
otro. Sinya di nos lesnan di bida, pasa den nos mesun experiencianan y duna Creador di Amor
y bida danki pa cada dia regala na nos cu rosea di salud, amor, alegria y sabiduria. Nos por
“hasi un dutje”, tuma un “Power napp”, drumi dushi cu bunita sonyonan of “nachtmerrienan
mahos” , esnan cu tin e syndroom di Apneu, sa cu ta lanta bek, sea sosega of crenchi cansa.
Pero serca Dios nos por tin e bida den lus eterno, sosega na paz. Ta desea esnan cu a bay nos
dilanti pa nan drumi dushi den brasa di nan Creador di amor. Danki Ninjo Comenencia pa bo
talento, dedicacion di amor den bo tocamento den Lady Ruth su di tres “One woman show”
Alegria di Ruthy 3 hunto cu Amado, Stan, Jerry, Mario y Hubert. Awor bo ta mas serca di nos
mente, alma y curason. Nos tur ta pasaheronan den e bida aki. Tin ta kere den Dios y tin cu no
ta kere den Dios. Pero un manera of otro e FE y SPERANSA ta nos tur tin, pasobra ora di bay
drumi bo ta pone un “wekker” pa lanta bo na ora pa bo bay traha , sin sa cu tur siguransa cu bo
lo lanta cu rosea e dia ey. Bo fe den bo, ta lagabo planea y tuma decisionnan diario na
bienestar di bo mes y bo famia. Bo ta confia riba Dios sin bo sa. Bo no ta kere ta ora pa bo
duna Dios danki pa bo bida y pa cada dia regala ? Pesey ela manda su unico yiu Jesus pa yuda
nos keda den e caminda correcto, humilde y cu gradicimento na nos curason. Como un Poeta
cu ta briya p’E den mi poemanan, mi ta gradicido pa cada dia cu su milagronan pa con chikito of
grandi cu nan por ta. Sin Dios, Sin Jesus, Sin su Spirito Santo nos ta nada den bida.
Ora bo ta hoben, bo ta pasa den hopi aventuranan y ta ora bo ta mas grandi di edad bo ta
comprende cu bo Dios tawata bo wardador. E ta esun cu mas ta stima’bo. Sea abo un bunita
regalo bek pa Dios. Sea un bon hende cu bon ehempel. Danki pa lesa nos relato cu atencion.
Un “bearhug” pa tur di Lady Ruth.

Nino Comenencia 2Nino Comenencia 4 ScaledNino Comenencia 5 ScaledNino Comenencia 1

Related posts

Minister Endy Croes a presencia e di 4 edicion di man Double Elimination MMA

EA News Author

Dokter Caroline Becker ta empleado di luna na Hospital

EA News Author

Corda reserva bo cupo pa nos prome Pop Up Market dia 2 di Maart

EA News Author

Leave a Comment

Whatsapp Message