Nos ta habri e luna di Febrfuari aki, cu amor. Aki varios dia ta Dia di San Valentino. Si, St. Valentines Day conosi como e Dia di AMOR. Ela cuminsa como e Dia di Amor entre pareha, entre e “love-birds nan” cu ta ketobay enamora di otro, y despues a bira un Dia di Amistad tambe, pa esnan cu no tin pareha tambe por expresa nan amor pa amigo y amiganan. Despues ela bira tambe un Dia di Amor pa famia, pa hanja mas oportunidad di expresa amor den tur sentido di e palabra. Y claro, un dia hopi comercial pa bende y cumpra flor, chuculati y of algo otro, segun e cartera ta duna. Si esaki no ta asina, pls corregi Lady Ruth, pasobra nos no ta asina perfecto riba internet pa google e informacionnan aki. Of ta un persona solitario a bin cu e idea aki, di hasi un peticion pa declara 14 di Februari como e Dia di Amor, pa esnan “en buska” ainda di nan amor grandi. Tin biaha e amor ta bati na porta di nan curazon, pero nan ta mucho “picky” pa un caballero “tall and handsome”, “cu placa, auto y bon trabao”.
Y asina e “chens” di forma un pareha bunita, cu lo sinja stima otro den bon y den malo, ta pasa nan voorbij. Tin cu ta keda warda y warda “for ever” riba nan prins ariba cabay blanco, pero e prins no sa cu bo tey, si bo no tribi sali bay un cine of un otro lugar social na unda por topa otro, introduci boso na otro. Hasta pelea tin ora un “Puppy love” caba na nada. No por forza amor ariba un otro. Amor entre pareha ta cuminsa como un amistad , un amistad special cu “vlindertjes den bariga”, bo sa mesora cu tin “algo ta pasando” cu bo manera di sinti, expresa y comporta. Naaaaah, nos no ta ningun experto den e ramo aki, aunke awor Lady Ruth por tribi bisa cu toch si, despues di 45 anja di amor, di cual 2 anja di enamoramento y conose otro mihor y 43 uni den feliz bida matrimonial. Ach, amor sa ta complica. Duna y tuma. Pidi pordon. Bisa otro cu boso ta stima otro. Trata otro nechi cu respet. Sigi tene man, no ta importa e edad. Sigi braza, sunchi y mas. Tur relacion tin su ups and downs y nos tur a bin pa sinja nos lesnan, pasa den nos mesun experiencianan. Cuanto biaha un relacion di amor bunita ta termina pa motibo di orguyo y arrogancia. Niun kier baha cabez, tur dos kier tin razon. Ach, Amor sa hasi dolor tambe, pero no pa semper, ora e curazon no hanja su kier nos ta kere cu mundo ta bay caba. Lady Ruth a yega di skirbi hopi poema di amor pa su esposo stima Johan Vrieswijk. Tambe poemanan pa varios pareha cu tawata en busca di palabranan amoroso bunita pa bisa otro. Nos a yega di purba di hunga e wega di “match maker” den pasado y a introduci un pareha na otro, cu a resulta bon pa hopi anja, pero despues destino a dicta otro. Tin biaha pa motibo cu un otro muhe ta hinka su mes meymey den e relacion ey, ta trata e homber manera un rey y despues e rey aki ta perde su trono y keda blo bashi. Ta cosnan di mundo cu sa pasa. Bo mester ta fuerte y convenci den bo relacion y union di amor, despues di e promesa riba altar. Y si boso tin bon ehempel, manera di boso mayornan, mihor ainda. Nos mayornan a celebra nan di 67 anja felizmente casa, dia 28 di November di anja 2020 “and counting up to 68”. Nos suegronan tambe a yega na hopi anja casa, awe ambos den feliz memoria. Tin biaha ta culpa famia di otro, ora un relacion di amor termina. Lady Ruth ta pensa cu bo ta casa cu e persona, no cu su famia. Ta bunita si tin paz y bon comunicacion entre ambos banda, pero tin biaha esaki no ta e caso pa x y x motibo. Ambos mester kier y traha riba nan relacion. Si un ta “give up” y kier busca of a hanja algo otro caba pa reemplaza, ta su choice. Un comienzo nobo cu por ta mihor of hasta peor. Amor ta manera un roza cu su sumpinjanan. Tin bon dia y tin dia menos bon. Tin harimento y tin zundramento etec.
Manera un pareha casa hopi anja, amigonan di nos, a yega di bisa : “Bo sa caba ken bo tin, con e persona ey ta, no perfecto pero cu amor y respet pa bo, bo no sa kiko bo lo hanja na su lugar, vooral awendia cu cosnan ta asina bruha tur caminda. Sea feliz y escoge pa stima t
ta meta di nos tur. Cuida curpa ! Sea feliz ! A peticion nos lo bin cu algun poema otro siman, Dios mediante.
Tin cu ta bisa, cu nan no mester di un pareha den nan bida, “so be it”, pero ta asina bunita y asina dushi pa tin un hende special cu ta mimabo, cargabo y stimabo pa e persona cu bo ta ! Y abo ta hasi mescos bek. Hasi hopi cos hunto, comparti bida ! It takes two to tango ! Amor entre pareha ta unico ! Love you too !!
