Hesus a bisa cu tur autoridad a wordo duna na Dje den Cielo y riba tera Mateo 28;18. / Phil 2:9,10+11.
Marco 16:15 E a bisa nan bay den henter mundo y predica e evangelio na tur criatura , esun cu kere y wordo batisa lo ta salba , ma esun cu no kere lo ta condena.y e señalnan lo compaña esnan cu ta kere den mi nomber, nan lo saca demoño, nan lo papia den lenga nobo,nan lo cohe colebra cu man, y si nan bebe cualquier veneno mortal esey lo no haci nan daño.nan lo pone man riba hende malo y esaki nan lo bira bon.
Ta dificil pa questiona locual cu Hesus a bisa y locual ta para scirbi y tambe keda sin respeta y obedece.
Pasobra e unico manera pa nos por sobresali den e tempo dificil aki ta pa nos kere den Señor, y aplica locual Señor a siña nos.
Wak bon rond di nos con malesa ta aumenta, wak con maldad ta aumenta, wak con hende no ta kere y ta haci cherche.Laga nos tur corda eiba 2 Cron 7:14+15..
Hopi cos cu hende a priminti ta resulta cu nan no por cumpli, pasobra nan orguyo ta domina nan bida, y nan no kier haci manera Dios ta bisa y nan ta keda den nan error.
Pero abo como mayor tin cu tuma un decision den bo cas, manera Josue Capitulo 24:15 pasobra e tempo den cual nos ta bibando ta dificil y bo tin cu sirbi Señor pa asina bo tin e autoridad riba e enemigo den nomber di Hesus.
Locual nos ta scirbi no ta religion, pero ta bo relacion , obedencia y respet na e palabra di Dios.
A yega e tempo cu lo wordo demostra cla: cu cielo y tera lo pasa pero Dios su palabra lo no pasa..
Como mayor bo deber ta pa kere y para firme riba e palabra di Dios pa bo bida y bo hogar.
Pasobra bo tin e autoridad pa reprende maldad for di bo hogar, ora bo mes ta aparta for di tur maldad.
Pero bo no por para ningun maldad mientras cu bo mes ta participa den dje.
Tur cos ta cuminsa serca abo como major pa lanta oracion den bo cas, caminda henter famia ta participa, pa haci oracion den nomber di Cristo Hesus y pa tur hende den cas ta di acuerdo y asina boso mira salud y bienestar den boso cas.
Como mayor bo mester tuma esaki na serio, cuida bo famia, haci oracion mantene hygiene,pasobra awor tur hende ta mira cu ta solamente Dios por yuda nos (Salmo127)
Tuma bo autoridad den Cristo Hesus y reprende tur atake satanico for di riba bo yiunan y hubentud completo
Señor ta Fiel y Poderoso. Laga henter nos pueblo uni den oracion den nan hogar.