Sekretario di Estado Alexandra van Huffelen: “Awe ta un dia hopi special, historico cu nos ta comemora. Un dia ku nos ta selebrá

Dia 1 di juli 1863, riba e dia aki, 160 aña pasa, sklabitut a ser aboli.
E historia di sklabitut ta un historia di doló, sufrimentu i inhustisia, pero tambe un historia di kurashi, resistensia, lucha pa loke ta korekto. Ta e resistensia aki a conduci finalmente na abolicion di e sistema deshumanizador aki.

Durante e ultimo 1,5 aña, mi a papia cu decenas di hende den e parti di Caribe y parti Europeo di nos Reino. Hende di edat, hóben, desendiente, hende ku ta relashoná ku e historia aki na nan manera úniko. Pero loke nan tin en comun ta cu e pasado aki ta asina tangible ainda.
E pasado ainda tin un efecto, ta sinti ainda. Mi tabata tristu pa loke generashonnan anterior a pasa aden. A sinti un sentido di ta diferente, di ta ménos òf di ser persepshoná komo asina. Den sinti su mes den desbentaha, un ciudadano di segundo klas den e Reino.

Ta nos responsabilidad pa drecha tur esaki, y haci esaki den e generacion aki.
Asina e proximo aña, nos lo pone luz riba e partinan sub-exponé di nos historia. I nos ta hasié huntu.
Nos lo organisa reunionnan cu ta trese hende hunto, duna nan e oportunidad pa topa otro y participa den conversacion y discusion.

I no ta tur kos ta trata di palabranan so. Tambe nos lo krea e lugánan aki ku ta hasi e pasá tangible, ku ta trese nos kara na kara kuné. Mi ta spera ku e Aña di Komemorashon di Sklabitut lo trese tur hende den Reino mas serka di otro. Huntu nos lo trese mas konosementu, atenshon i mas respet.