Den medio di e discusionnan actual riba relacion di Aruba cu Hulanda, diferente opinionnan ta sali na dilanti apelando na historia politico di e isla y e lucha pa autonomia.
E punto di bista expresa, ta importante pa comunidad, en special hobennan, pero tambe e imigrantenan cu a bin biba riba un Pais liber, compronde e proceso historico cu a conduci na Status Aparte. E berdad ta cu varios lider historico, manera Shon A Eman,Juancho Irausquin y Henny Eman, a haci intento pa logra mas autonomia, pero cu no a logra e meta final. Entre palabra Autonomia y status aparte e lucha tabata.
E lucha a wordo finalmente consolida bou di liderato di Betico Croes hunto cu sindicatonan y esnan rond di dje, kende a keda reconoci como figura clave den conkista di Status Aparte pa Aruba. E logro aki ta wordo considera un momento historico di gran importancia pa identidad y autonomia di e pais. “Baas den bo mes un cas”
Sinembargo, e opinion actual ta expresa preocupacion cu decisionnan politico di awe riba Rijkswet HOFA lo por pone na riesgo e resultado di e lucha historico aki. Ta existi un sentimento cu e sacrificionan di pasado mester wordo respeta y cu e pais mester proteha su autonomia.”Baas den bo mes un CAS”
E tema ta forma parti di un debate mas amplio den sociedad Arubiano, unda historia, identidad y decisionnan actual ta entrelasa den discusion riba futuro direccion di e pais.