Simpatisantenan di Presidente Donald Trump a logra pasa siguridad y drenta Capitolio y un hende muhe a haya un tiro mientras cu un di e edificionan mas iconico di Merca ta meti den un caos despues cu Trump a urgi su hendenan pa lucha contra e conteo di votonan electoral cu lo confirma president electo Joe Biden como ganado.
Tabata un poco despues di merdia cu e demostrantenan pro-Trump a logra pasa e barera poni na e permiternan di Capitolio, unda nan a pusha e oficialnan den traha riot. Rond di 90 minuut despues, polis a bisa cu e demostrantenan a drenta e edificio y a lock e portanan di “House” y “Senate”. Polis un rato despues a evaua “House”.
Un persona femenino a haya un tiro den pecho y ta den estado grave.
E grupo cu a drenta paden, a wordo saca basta lihe door di polis. Un video riba rednan social ta mustra e simpatisantenan di Trump marchando den Statuary Hall. Lidernan di tanto House y Senado ta sigur na un sitio cu no a menciona.
Door di e incidente a manda pidi presencia di polis, ya cu algun dia atras a pone cu oficialnan special so ta dedica na protege e edificio aki.
Presidente Trump a tweet pa apoya autoridadnan y su yiu a bisa den un declaracion cu e forma di actua aki no ta di nan.
