ORANJESTAD,Aruba
Polisnan y AT mester a bay cu urgencia na Guarda nos Costa un biaha mas. E situacion na e sitio ta algo hopi delicado y te ainda ta buscando solucion pa esnan cu ta sera y cu a burla di leynan di Aruba. Gobierno di Aruba a haci varios intento pa e ciudadano nan aki regresa na pais bek , pero e propio pais no kier ricibi nan ciudadanonan bek na Venezuela, esaki ta pone cu cada bes e situacion na Guarda nos Costa ta bira mas dificil pa nan cu ta sera y ta rebeldia y ta trata di hui di Guarda nos Costa. Loke cu ta un realidad cu cada un di e ilegalnan cu ta sera a comete un acto contra ley y tur acto cometi contra ley tin su prijs. Na merca porehempel, e persona ta ricibi un straf y ta bay sera e lunanan cu nan a dune y despues ta wordo deporta y cu no por drenta merca mas, sinembargo aki na Aruba e ley ta diferente y ta trata di saca e persona nan mas lihe cu ta posibel, pero asina mes mirando e situacion cu coronavirus a trece pa mundo Venezuela tin su portanan sera y tampoco no ta tumando e charternan cu ta ofrece pa trece nan propio ciudadanonan di venezuela bek pa nan pais. Esaki ta e situacion actual y gobierno di Aruba na e momentonan aki ta deliberando cu Hulanda pa asina yega na un solucion mas pronto cu ta posibel.
