Gobernador di Isla, Su Excelencia Alida Francis, a entrega Condecoracionnan Real na cinco residente di St. Eustatius diabierna 24 di april 2026. E ceremonia a tuma luga na Mike van Putten Youth Centre na nomber di Su Mahestad Rey Willem-Alexander, reconociendo nan contribucion boluntario y distinguido na e comunidad den sectornan clave di sociedad.
E personanan honra ta Sra. Ingrid Filomena Whitfield, kende a wordo nombra como Caballero (Ridder) den Orden di Oranje-Nassau, y Sr. George Russell Courtar, Sra. Ramonia Othelia Hendrickson-Duinkerk, Sr. Leoncio Zhivago Lopes y Sr. Maldwyn Ogilvy Timber, kendenan cada uno a wordo nombra como Miembro (Lid) den Orden di Oranje-Nassau.
“E aña aki nos por bisa berdaderamente cu a ‘yobe sinta’ (lintjesregen) na St. Eustatius,” Gobernador Francis a declara. Den su discurso, el a destaca cu e entrega di e condecoracionnan aki ta parti di un tradicion pa reconoce personanan pa nan esfuerso sobresaliente durante hopi aña. El a felicita e ganadornan y a gradici e Comision di Condecoracion Real di Statia pa e guia den e proceso.
- Ingrid Whitfield a wordo reconoci pa su liderazgo pionero den servicio publico y empoderamento di hende muhe, siendo e prome muhe Comisario y lider di partido politico riba e isla.
- George Courtar a wordo honra pa mas di tres decada di servicio dedica na e parokia Catolico y ayudo practico na e comunidad den agricultura y reparacion.
- Ramonia Hendrickson-Duinkerk a ricibi reconocemento pa su contribucion den cultura y boluntariado, siendo e prome muhe cu a drenta Lions Club na Statia.
- Leoncio Lopes a wordo honra pa su aporte na musica, guia pa hubentud y desaroyo di comunidad.
- Maldwyn Timber a wordo reconoci pa mas di 25 aña di servicio den musica y ingenieria di sonido, apoyando masha hopi evento cultural y religioso.
E ceremonia aki ta forma parti di e celebracion anual di “Lintjesregen” den henter Reino Hulandes, caminda rond di 3,300 persona a wordo condecora e aña aki.
