ORANJESTAD,Aruba
Un grupo di studiante di Academic Foundation Year na Universidad di Aruba ta inicia cu un encuesta bou di e comunidad di Aruba pa midi e sentimento di nos ciudadanonan pa cu seguridad den nan districto.
E encuesta aki por wordo yena online y tin un duracion di 3 minuut. E encuesta aki ta pa tur hoben y adulto cu kier expresa nan sentimento pa cu seguridad den nan districto. E studiantenan ta pidi cooperacion di henter comunidad di Aruba pa esaki.
E investigacion aki ta hopi importante pa e comunidad. E resultado di e investigacion por duna un bon indicacion con nos comunidad ta pensa encuanto di e tema di seguridad den nos districtonan na Aruba.
E encuesta ta anonimo y pesey no ta registra ningun informacion personal di e participante.
Pa mas informacion tocante e encuesta aki por tuma contacto via e-mail 167665@student.ua.aw
Por yena e encuesta via e link:
- https://forms.gle/fLMmsJHWxhLWa9tYA (English)
- https://forms.gle/SY4rN82gVSpzaFs38 (Papiamento)
- https://forms.gle/9CiFL35dpUPz5YxF8 (Español)
- https://forms.gle/jR383wVzbMNFn5zz6 (Nederlands)
