BonaireInternacional

Ta pèrmití pa tira vürwèrk durante kambio di aña

Tira Vurwerk

Pa medio di esaki gezaghèber di Entidat Públiko Boneiru ta anunsiá ku relashoná ku kambio di aña for di 31 di desèmber 2021 te ku 1 di yanüari 2022 gezaghèber ta duna dispensashon general di e prohibishon pa tira vürwèrk manera stipulá den artíkulo 31 insiso b di e Ordenansa General di Polis (APK) di Boneiru.

 

Pa tiramentu di vürwèrk pafó di e periodo menshoná akí riba i pa tiramentu di vürwèrk grandi, manera pagara, ta eksigí un pèrmit.

 

Tiramentu di vürwèrk no por tuma lugá dentro di un rayo di 250 meter for di hòspital i kas di kuido i edifisionan kaminda ta tene sirbishi religioso. No ta pèrmití tampoko pa tira vürwèrk dentro di un rayo di 250 meter for di pòmpnan di gasolin i sitionan di almasenamentu di supstansianan inflamabel i eksplosivo.

 

Tiramentu di vürwèrk ku ta bai haltu no mag tuma lugá na un sitio kaminda esaki por okashoná peliger pa tráfiko aéreo. No opstante e dispensashon general akí kada hende ta keda responsabel pa eventual leshon òf daño ku nan a kousa na kualke persona, bestia òf bienes.

 

Pa evitá daño i aksidente, gezaghèber ta hasi un apelashon na tur hende pa kumpli ku e medidanan di prekoushon i e koutela nesesario na momentu di tiramentu di vürwèrk. Manera tenementu di e distansia nesesario na momentu di tira vürwèrk i tira vürwèrk solamente manera nan ta indiká den e  instrukshonnan i bou di ningun sirkunstansia no tira vürwèrk riba hende òf bestia

Related posts

Miembronan di konseho insular a asumi funshon ofisialmente

EA News Author

Conferencia di trabou ‘Studiesucces Caribische Studenten’

EA News Author

Kapitan Tom Pasman i serzjant mayor Joost van Heyningen a bishitá gezaghèber Edison Rijna

EA News Author

Leave a Comment

Whatsapp Message