Biblioteca Nacional Aruba ta ofrece un tayer pa tur docente cu kier lesa hunto cu nan alumnonan den klas. E workshop ta keda publica riba biblioteca su website, YouTube channel y Facebook. Dialuna dia 12 di oktober esaki ta disponibel pa wak. 3 docente ta duna e workshop, sr. Mirto Laclé, sra. Mariebelle Arends y sra. Madeleine Maduro-Boekhoudt. Duracion ta 35 minuut. Nan ta duna guia y idea na docente con pa stimula mucha pa lesa mas y lesa hunto den klas. Nan ta ofrece inspiracion pa haci algo cu e tema y con pa traha cu e tema aki den buki, contamento di storia y otro expresion. Informacion di e buki di e festival tambe ta wordo duna.
Biblioteca Nacional Aruba ta organisa su evento anual, Festival di Buki pa Mucha y e preparacionnan ta bayendo bon. Actividadnan di Festival di Buki pa Mucha 2020 ta den luz di e tema ‘Historia’. Esaki ta un tema cu por haci hopi cu ne y biblioteca ta pidi tur guiador cu ta traha cu mucha pa ta creativo den duna contenido na e tema.
