Banda di e servicionan di telefon, email, chat, lezing y workshop, Fundacion Telefon pa Hubentud Aruba ta desaroya y implementa proyectonan tambe
Un di e proyectonan mas nobo di Fundacion Telefon Aruba ta My Life, My Chance. Dato local ta mustra cu e edad di e hoben cu ta bin den contacto cu husticia mas y mas ta birando mas jong. Comportacion di hoben, norma y balor, educacion di nos hobennan, ta temanan di combersacion tur dia. Basa riba esaki Fundacion Telefon pa Hubentud Aruba a crea e proyecto My Life, My Chance
My Life, My Chance ta un programa cu lo pasa na television cu un famia completo por mira. Atravez di My Life, My Chance e discusion den famia ta ser stimula. My Life, My Chance ta duna un bista den posibel consecuencianan na momento cu un hoben tuma un decision cu por resulta bon of menos bon
Via di lensnan di camara nos lo haya un bista den bida di tres hoben. Durante e episodionan e hobennan ta conscientisa e hobennan y mayornan di Aruba tocante e resultado di un decision bon of menos bon
My Life, My Chance lo pasa na Telearuba ariba 18 y 25 di september y 2 di october pa 9:00 di anochi. Durante e prome temporada di My Life, My Chance e presentando Leonardo Philips ta hiba combersacion cu Sarah-Quita Offringa, Gabriel Alexander y Gilbert Webb