Dos organisacion local, Stichting BOB hunto cu IBISA a bishita e resort den October pa conscientisa riba e importancia di salud personal, relata na rutina di salud y cuido, como tambe mehoracion den escogencia di estilo di bida.
Stichting BOB a bin bishita den cuadro cu conscientisacion riba cancer di pecho. E fundacion ta dedica na detecta iregularidadnan na tempo den pecho di hendenan muhe saludabel entre edadnan di 45 y 75 pa posibel cancer di pecho. Ora di detecta trempan ta aumenta e bida di esnan cu a sobrevivi cancer, y tambe ta yuda na haya un tratamento menos invasivo y intenso cu ta posibel.
E miembronan femenino di e resort a wordo invita pa atende e lectura interactivo di Dr. Sharline Vis kende a siña miembronan di team proceduranan adecua di self-check. IBISA, Instituto Biba Saludabel y Activo, un departamento di gobierno local cu ta organisa actividadnan deportivo cu ta promove miho salud, a conduci un sondeo di ‘Women’s Health’ na unda cu 11 miembro di e team a participa. Esakinan tabata hende muhe entre edadnan di 35 cu 45. E grupo di IBISA tabata enfoca den haya mas conocemento den loke ta nan habito di salud, buscando manera pa mehora esakinan y escohe opcionnan mas saludabel. Ambos organisacion ta raporta cu The Hilton su miembronan di team ta consciente di e conexion entre estilo di bida y salud, hacienod esfuersonan pa preveni y reduci malesa.
The Hilton Aruba Caribbean Resort & Casino semper cla pa promove salud
