SocialLocal

‘The Tree of Giving’ na Hilton Aruba Caribbean Resort & Casino E temporada di Pasco aki, Hilton Aruba ta comparti su amor pa comunidad cu un recaudacion di fondo unico

Food Bank 03

PALM BEACH – Hilton Aruba Caribbean Resort & Casino ta embarcando den un mision di amor por medio di encurasha bishitantenan y coleganan pa yuda traha un kerstboom di poinsettia den e lobby, manera un recaudacion di fondo pa Fundacion pa Nos Comunidad. E aña aki, enbes di tin un kerstboom tradicional como e punto central di decoracion na e lobby durante dianan di fiesta, e resort a bini cu un iniciativa creative pa recauda fondo, incluyendo e comunidad, treciendo localnan y bishitantenan hunto pa un bon causa.
Durante e ultimo lunanan, e resort su Team tabata hacienda trabao di boluntario cu e banco local, maneha por medio di Fundacion pa Nos Comunidad . Hunto nan a inverti den un cantidad di 5,800 ora boluntario na Club Kibrahacha, e central di e banco di cuminda.
FPNC su mission ta pa combati y trece un fin na pobresa, angustia emocional y exclusion social riba e isla. Prome cu e pandemia, e banco di cuminda tabata sostene aproximadamente 200 famia Arubiano pa luna cu pakete di cuminda. Na e momentonan aki, e banco di cuminda ta sostene mas cu 6,000 famia cu paketenan di Alivio.
E gran food drive, no lo ta possible sin apoyo financiero di diferente individuo y organisacionnan generoso. Bishitantenan cu kier yuda sostene e isla su banco di cuminda cu donacion, ta wordo puntra pa bishita e resort su front desk y cumpra un poinsettia di $25. E poinsettia lo wordo agrega na e lobby su kerstboom na unda cada flor individual lo bira parti di e tremendo causa.
Hilton Aruba Caribbean Resort & Casino lo cumpra cuminda cu 100% di e fondonan colecta, y haci donacion di esaki na e banco di cuminda.

Hilton Tree 2020 ScaledFood Bank 05Food Bank 01Food Bank 04Food Bank 02Food Bank 03 1

Related posts

Fundacion Museo Arubano independiente for di gobierno a haya un golpi fuerte durante covid

EA News Author

SDG Aruba ta haci un yamada na comunidad pa comparti cu nos: “Con bo iniciativa ta contribui pa logra e 17 metanan pa un desaroyo sostenibel”

EA News Author

Den toque de queda no ta permiti persona riba su propiedad dilanti cu ta pega riba caminda publico

EA News Author

Leave a Comment

Whatsapp Message