PoliticaFeaturedLocal

Muchanan di Kids@Work Camp a bishita bestuurskantoor y sera conoci un tiki di e trabao di gobierno

Bishita Kids@Work Camp 02

Minister di Finansa y Cultura Sra. Xiomara Maduro a ricibi un grupo di mucha di Kids@Work Camp hunto cu nan dos leidsternan den sala di conferencia di prensa di gobierno. Minister Xiomara Maduro a yama e muchanan un bon bini y a duna un splicacion riba e trabao di gobierno, como tambe a duna informacion di e edificio di bestuurskantoor. E muchanan tabata tin oportunidad pa haci pregunta, manera ta e caso ora di conferencia di prensa. E muchanan a puntra entre otro con un persona por bira minister, si e mandatario ta encanta cu bestia, cual ta e scolnan na unda minister a studia y tambe cu nos bishitantenan ta bini Aruba pa vacacion ta pasobra nos pais ta uno felis.

Despues Minister Xiomara Maduro a pasa hunto cu e muchanan pa nan sera conoci cu bestuurskantoor y Cocolishi. Den sala den conseho di minister e muchanan a sera conoci cu ministernan Ursell Arends, Dangui Oduber, Endy Croes, Glenbert Croes y Rocco Tjon. Minister President Evelyn Wever-Croes y Minister Geoffrey Wever no por tabata presente pa motibo di otro compromiso. Cada mandatario tabata tin e oportunidad di presenta nan mes y duna un  splicacion riba nan trabao y cual ta nan responsabilidadnan di tur dia. Asina e muchanan a siña un tiki mas con gobierno di nos pais ta funciona. E muchanan a keda masha encanta.  Pa minister Xiomara Maduro semper ta un placer pa ricibi bishita di nos muchanan na Bestuurskantoor y al final a gradici e muchanan hunto cu nan dos leidsternan pa e bishita na bestuurskantoor.

Bishita Kids@Work Camp 01Bishita Kids@Work Camp 03

Related posts

Minister di Xiomara Maduro ta expresa palabra di pabien na e ganadonan y demas participante

EA News Author

Hendrik Tevreden di bishita na Fatima College en conexion cu siman di buki

EA News Author

Aruba Lions Club y Leo Club Aruba a haci diferente proyecto durante aña pa comunidad di Aruba

EA News Author

Leave a Comment

Whatsapp Message