Featured Local Politica

Minister Endy Croes: Minister encarga cu enseñansa a reuni cu inspectornan di enseñansa di Hulanda


Minister di Enseñansa y Deporte Endy Croes conhuntamente cu Departamento di Enseñansa y Departamento di Inspeccion di Enseñansa di Aruba a reuni cu inspectornan di enseñansa na Aruba sr. Laurens de Croes y sr. Erik Martijnse. E dos inspectornan aki ta esnan cu ta ‘trek’ e proyectonan di landspakket. Den e reunion e inspectornan a elabora ampliamente riba e proyectonan di landspakket cu ta toca enseñansa di Aruba.

 

Minister Croes a duna di conoce cu e inspectornan a bishita Aruba na diferente ocasion durante e ultimo lunanan y a acumula hopi informacion pa nan formula nan den un ‘tussenrapport’ cu lo keda cla fin di e luna aki (october). ‘Ta premira cu e rapport final lo por ta cla pa maart/ april 2022.’ Den e rapport aki lo bin recomendacionnan pa e direccion cu enseñansa na Aruba lo tincu dirigi su mes.

Minister Croes a sigui splica cu e investigacion ta riba e calidad basico di enseñansa na Aruba, e conexion di enseñansa cu mercado laboral, e ‘fluho’ di un scol pa otro y tambe lo revisa leynan anticua. ‘E meta ta pa haci coreccionnan necesario y traha mas eficiente den un direccion pa crea e paz y trankilidad cu ta buscando den enseñansa na Aruba.’

Minister Croes a termina bisando cu e reunion a bay den bon ambiente y tabata hopi informativo.

Related posts

Discurso di fin di aña di Gobernador di St Maarten Eugene Bernard Holiday

EA News Author

Turismo krusero di kalidat den ekilibrio ku nos naturalesa i kultura

EA News Author

Hasi tèst di NAAT (PCR) 48 ora promé ku salida

EA News Author

Leave a Comment