Despues cu Aruba a warda 7 aña pa por wak wega di seleccion nacional futbol na cas. A mira e oportunidad pa sostene nos muchanan cu ta den e ramo aki cu kisas no por yega y presencia e wega grandi aki pa Aruba.
Presidente di Centro di Bario Dakota Carmicheal Bikker a acerca diferente comerciantenan pa aporta pa e muchanan cu no ta alcansa pa por cumpra un carchi por ricibi esaki gratis unda cu comerciantenan cu tin e muchanan na pecho ta contribui na esaki.
Ta trata aki di Rutwin Dirkz cu ta un hoben di bario di Dakota cu awe tambe tin su mes un compania di construccion Solid solution construccion, Gigi Helder di Fast Delivery y Headcoach di Dakota cu ta mira e importancia di esaki bao di e hobennan cu e mes ta coach Johanatan Lake unda cu hunto e comerciantenan aki a dicidi conhuntamente lo hiba e liga di U 7,U9,U11 y U 13 cu ta un total di casi 100 mucha pa nan bay wak e wega diasabra awo completamente gratis pa asina nan como mucha y hoben por ta mas cerca di e deporte pero na mes momento apoya y siña mas di e mundo y weganan grandi di futbol.
Den e seleccion tambe tin dos hungado profesional di Dakota cu lo ta riba veld. Presidente di centro di bario Dakota Carmicheal Bikker ta kere ta un momento sumamente bunita unda cu e muchanan y hobennan por wak e weganan aki unda cu nan por soña un dia cu nan tambe lo kier yega eynan un dia, sigur esaki ta un parti di motivacion pa e muchanan y hobenan. Un danki ta bay na e comerciantenan aki cu ta kere den nos futuro generacion.
