Durante campaña varios rumor a keda treci padilanti riba negociacionnan cu partido RAIZ supuestamente ta haciendo caba. Algun persona ta masha sorprendi cu sra K. P Odor via diferente mail ta acercando diferente ciudadano pa reuni pa cu eventual ministerio di RAIZ. Esaki sigur ta muestra di hamber pa poder. E operacionnan aki ta keda haci sin cu e bestuur di RAIZ mes ta na altura, pero e lider si.
Sinembargo no ta un secreto cu lider di RAIZ ta un klein dictador. Actualmente ciudadanonan ta sorprendi di a haya un mail pa forma e ministerio di RAIZ y ta puntra nan mes con por ta posibel cu eleccion no a ni pasa cu ya caba un team tras di e bestuur actual ta ricibi sorpresa cu tin un otro team parti di patras ta acerca personanan pa forma e supuesto ministerio di partido RAIZ ,debi cu segun e lider nan lo bay forma gobierno sea cu ta cu AVP of MEP. Lider di RAIZ ta dispuesto pa sinta cu cualkier coalicion contal cu e ta den gobierno.
Kico tipo di actitud asina ta ilustra? Dicon e hamber pa poder? Kico ta e plan realmente di RAIZ pa Aruba. Tambe tin entendi cu mayoria miembro ta disgusta cu e actitud di e lider y nunca a spera palabranan manera ‘’AMI TA DICIDI” esaki sigur no ta muestra di ta un team. Kico realmente tin tras di e hamber pa RAIZ drenta gobierno ?
Tambe tin entendi cu e lider no por drenta Merca , esaki tin un motibo su tras, kico e ta ? No ta conoci ainda, pero p’esey mes ta importante pa procesonan di screening sosode. Un persona cu ta haya e restriccion pa no drenta Merca sigur no ta pa un motibo bon. Awor con lo haci si bira un mandatario of parlamentario y si mester biaha pa Merca con e lider di RAIZ lo por haci pa representa Aruba ?