Bonaire Featured

Último preparashonnan pa introdukshon di e Visitor Entry Tax


Falta algu mas ku un siman pa introdukshon di e Visitor Entry Tax na Boneiru dia 1 di yüli. E ora ei tur bishitante di Boneiru na momentu ku nan drenta Boneiru lo mester a paga e Visitor Entry Tax.

Riba djabièrnè 17 di yüni último Tourism Corporation Bonaire a organisá un seshon di informashon pa stakeholder. Durante e seshon akí a duna informashon tokante e Visitor Entry Tax na un grupo grandi di partner for di e sektor turístiko. Durante e presentashon a mustra entre otro e wèpsait pa pago online. Tambe a para ampliamente ketu na e proseso i e kontròl na aeropuerto i tabatin espasio pa hasi i kontestá pregunta. 

‘Tax Agents’ ta para kla pa yuda e bishitante

E fluho di bishitante ku ta drenta Boneiru via nos aeropuerto ta eksigí un aserkamentu intensivo. Pa tur hende introdukshon di e Visitor Entry Tax ta un situashon nobo. E ‘Tax Agent’-nan a risibí kapasitashon intensivo pa por yuda e bishitantenan mas mihó posibel. E ‘Tax Agent’-nan akí ta guia e bishitantenan, nan ta duna kontesta riba pregunta i nan ta entrená pa aktua den sierto situashonnan. 

Pa e bishitantenan ku ta biaha pa Boneiru via laman ku boto òf yate privá, kontròl di e Visitor Entry Tax lo tuma lugá den Marina di Harbour Village. Tambe e Marina lo bai kontrolá e botonan i yatenan ku ta mará na bui dilanti di kosta, pa wak si pago di e Visitor Entry Tax a tuma lugá.

Mas pregunta?

Durante e último simannan Tourism Corporation Bonaire i Entidat Públiko Boneiru a risibí pregunta tokante e Visitor Entry Tax. A kontestá un seri di pregunta i por lesa nan riba 

www.bonaireisland.com

Bo tin un pregunta ainda? E ora ei yama TCB na number di telefòn +599 717 8322 òf manda un email na marketing@tourismbonaire.com    

Esaki ta un komunikado pa prensa di Entidat Públiko Boneiru den kolaborashon ku Tourism Corporation Bonaire.

Related posts

MOA i Bon Bida ta kuminsá ku proyekto piloto (Re)aktivashon di Hende Grandi

EA News Author

Prome audiencia señora Van Huffelen na cas ceremonial di Gobernador aruba

EA News Author

Webinar exitoso di aruba na comerciantenan di caribe

EA News Author

Leave a Comment

Whatsapp Message