Mas cu 9 miyon testigo di Jehova rond mundo ta invita tur hende na dos evento pa comunidad por siña mas tocante e promesanan di Bijbel pa un mihor futuro.
Riba diahuebs anochi, 2 di april 2026, na e conmemoracion anual di Cena di Señor tin un discurso cu lo enfatisa loke Hesus a siña tocante futuro di humanidad.
Frankie Herms, cu ta vocero pa testigonan di Jehova na Aruba, a bisa: “Hesus su bida y siñansa tin un nificacion grandi pa hopi hende rond mundo. Nos ta spera cu e evento aki,cu ta bon conoci pa e cristiannan ya pa casi 2000 aña caba, lo yuda e bishitantenan mira con e evento aki ta duna nos un maraviyoso speransa.”
Ademas, durante e campaña, e Testigonan lo extende un invitacion pa un discurso special titula “Ken lo drecha mundo?” Lo duna e discurso aki den maart 2026 den mas cu 118.000 congregacion di testigonan di Jehova rond mundo.
E programa di 30 minuut lo presenta loke Bijbel ta bisa tocante:
- Kico hende ta haciendo cu Tera
- Kon Dios lo drecha Tera
- Con pa beneficia di e promesanan di Bijbel
Tabata casi 2000 aña pasa riba 14 di nisan di e kalender hudiu di aña 33, cu Hesus a introduci Cena di Señor cu su apostelnan. E anochi ey, Hesus a duna e mandamento, cu tin na Lucas 22:19:“Sigui haci esaki na mi memoria.”
E Testigonan ta obedece e mandamento ey tur aña riba e dia cu ta coresponde cu 14 di nisan.E dia aki ta recorda nos con e speransa biblico di un Tera restaura ta posibel. Aña pasa mas cu 21 miyon hende a asisti na Cena di Señor.
Pa haya sa mas tocante Cena di Señor, e discurso special y pa asisti na un luga mas cerca di bo, por fabor bishita jw.org >tocante nos>conmemoracion. Ambos evento ta gratis y habri pa publico, manera ta e caso cu tur otro evento cu e Testigonan ta tene.