Featured Local Policial Uncategorized

Un hoben asesina dilanti ex-sand bar y tin un detencion


Awemainta pa mas o menos 1:25am Central di Polis ta haya informacion cu tabata tin pelea cu a termina cu tiramento na altura di ex-Sand Bar situa na Palm Beach, Noord. Central di Polis ta dirigi patruya cu maximo emergencia na e sitio.

Na e yegada di e patruya nan ta haya un situacion caotico y mester a pidi esfuerso di mas patruyanan policial. Patruyanan di Oranjestad, Santa Cruz, Noord, San Nicolas y RRT a bin duna nan colega un man.

Ambulance tambe a yega na e sitio y a hiba un persona cu maximo urgencia hospital.

——Na yegada na hospital dokternan no por a haci muchu mas. Pa 1:36am dokter ta constata fayecemento di e victima Anthony A. CARTY naci na Aruba y tabata tin 31 aña di edad.
Full e area a keda cera pa asina e recherche y polis forensico por haci nan investigacion na e sitio di incidente.

Un rato despues unidad di RRT a detene un persona na un appartement na Saliña y a confisca un Toyota modelo Vitz pendiente di mas investigacion.

E caso ta bao investigacion pa departamento di recherche di Noord.

Cuerpo Policial Aruba ta manda palabra di condelencia na e famia di fayecido

Related posts

Comision Celebracion di Dande ta cla pa festival

EA News Author

Ganadornan di rifa pa muchanan di scol pa Dia di Betico

EA News Author

Prome Minister Evelyn Wever Croes : Nicaragua a kibra relacion cu Reino Hulandes y a expulsa embahodora di Reino

EA News Author

Leave a Comment