Sigun un publikashon den e Dutch Caribbean Report di e instituto Hulandes pa Salú Publiko i Environment RIVM, varios variante di SARS-COV-2 a ser deskubrí na Sint Maarten.
Nan ta referi na variante di California, Brazil I tambe New York.
Investigation di e sirkulashon di variante di SARS-COV-2 na Sint Maarten a konkluí ku te ku awor tin un kaso di e variante di California B. 1.429, un kaso di e variante di Brazil P.2 i dos kaso di e variante di New York B.1.526ku un mutashon di E484K, RIVM a remarka den su rapòrt fechá 1 mart ku a salí djamars tras di lomba.
Sigun RIVM e kantidat di kaso nan nobo pa loke ta trata COVID-19 na Don’t Maarten ta fluktua. E insidente nan na Sint Maarten a krese den siman 8 (22-28 febrüari) di 62 kaso reportá pa un kantidat total di 100000 pèrsona, kompara ku 43 kaso raportá pa un total di 100000 pèrsona den e siman anterior (15-21 febrüari) siman 7.
RIVM a raportá ku aktualmente no tin pèrsona interná den Sint Maarten Medical Center ku COVID-19. Sint Maarten a kuminsa bakuna hende dia 22 febrüari ku Pfizer/BioNTech i te ku promé di mart 754 pèrsona a risibí nan promé dosis di e bakuna.
Aruba ta e pais den isla nan Hulandes ku tin e kantidat mas haltu di pèrsona ku a bakuná. Te ku e fecha di promé di mart, 6005 pèrsona a risibí e bakuna Pfizer. E kantidat di kaso nan di COVID-19 a baha mar Aruba I e incidente nan di kaso raportá a baha di 171 pa un kantidat total di 100000 siman pasá, kompará ku 205 kaso raportá pa un kantidat total di 100000 ku tatin e siman promé.
No opstante na esaki e kantidat di pèrsona den hospital a subi I tambe e kantidat di morto a subi. Aktualmente tin un kantidat di 29 pèrsona interná den hospital Horacio Oduber na Aruba, di kual 7 ta den kuido intensive. E kantidat di hende ku a fayesé ta para na 74 di kual ta e kantidat di mas haltu entre paid nan ku ta den Reino Hulandes.
For di investigashon nan di e diferente variante nan di SARS-COV-2 na Aruba, a salí ku tin 14 kaso di e British VOC 1.1.7 detektá i tres kaso di e California B.1.429. Na Kòrsou tin dos kaso di e variante British VOC 1.1.7 detektá te ku awor.
