Ayera nochi Wardacosta a ricibi un notificacion di centrale post di Cuerpo Policial di Aruba encuanto un boto cu lo mester a bolter cu cuater persona den area west di Arashi.
Wardacosta su avion Dash a bai busca den area caminda e boto lo a bolter y a duna mas
informashon unda lo mester busca e boto. Mesora despues di risibi e informashon aki, a
dirigi cu urgencia un Metal Shark pa bai brinda asistencia na e hendenan.
Na yegada a topa un boto di bolter cu cuater persona ku tabata tene na e boto. Agentenan di Wardacosta a tuma e cuater hombernan local abordo di e Metal Shark. Despues Wardacosta a hiba e personanan safe na Hadicurari. E personanan a pasa den un susto, pero nan a yega bek tera sano y salvo.
