Wardakosta tei presente durante Velas Latinoamérica Curaçao ku entre otro demonstrashonnan espektakular riba laman. Riba djabièrnè 10 i djasabra 11 di yüni próksimo, tin algun demonstrashon bunita riba programa. Riba ámbos dia desde 1’ or lo tin demonstrashonnan durante un ora largu, durante kua por mira e trabounan di Wardakosta. Ta kuminsá ku un ‘fly-by’, di e avion patruyero di Wardakosta kual lo bula pasa den bisendario di Bahia Santa Ana. Durante
e demonstrashonnan Wardakosta i Defensa den Region Karibe Hulandes lo demostrá kon nan ta drenta den akshon durante por ehèmpel operashonnan kontra trafikashon di droga.
Den e instalashon di Defensa tin un tènt di Wardakosta, kaminda bishitantenan por haña informashon tokante Wardakosta i hóbennan ku ta interesá por haña informashon kon por bira un agente di Wardakosta. Tin posibilidat pa risibí un rekorido riba e cutter Jaguar di Wardakosta pa tira bista riba esaki. Na Motetwerf na Otrobanda tur hende por akudí pa kumpra un refresko i opservá e otro barkunan di Defensa i naturalmente e impreshonante barkunan di bela.
Wardakosta ta rekordá doño i/òf esun ku ta manehá un drone ku ta prohibí pa bula òf manehá un drone den e area. Wardakosta ta supliká usarionan di drone pa tene kuenta ku esaki.
