Featured Curacao

Wardakosta lo kontrolá abase di reglanan di COVID-19 riba laman


Wardakosta lo bai kontrolá severo riba laman i na nos kostanan. Meta di e kòntròlnan akí ta pa
garantisá ku personanan ta mantené nan mes na e leinan vigente ku Gobièrnu di Kòrsou a
stipulá pa evitá COVID-19 sigui plama riba nos isla. Wardakosta ta informá doñonan di botonan
di plaser, ‘charterboats’, seadoo i piskadónan ku e medidanan dekretá dor di Gobièrnu di
Kòrsou den e Lei Estado di Emergensia ta bálido pa usuarionan di laman tambe.
Abase di e lei aki, no ta permití ningun tipo di aglomerashon òf konsentrashon di persona ni
ningun tipo di evenemento ku boto ku personanan riba laman, na pirnan, na kantu di bich, riba
‘floaties’ òf riba flòtnan. Tur boto por tin unikamente 50% di nan kapasidat máksimo riba dje,
inkluso nan tripulashon i un máksimo di dos boto por mara banda di otro. Por tin solamente
muzik di fondo di manera ku e personanan na bordo por skucha otro sin ku mester hisa bos of
grita. No ta permití bailamentu riba ningun tipo di e embarkashonnan menshona. E reglanan akí
ta konta pa Klein Kòrsou tambe durante di e periodo di krísis di COVID-19.
Wardakosta, Kuerpo Polisial i demas outoridatnan kompetente i enkargá ku mantenshon di òrdu
públiko, lo atendé debidamente kontra tur esnan ku no tene nan mes na e medidanan, ku e fin
pa yuda kontené plamamentu di e vírùs di corona. Nos salú ta den nos nos mes man. Ban
kuida nos mes i kuida otro!

Related posts

Parlamentario Alan Howell: Nos hendenan humilde di Sabana Basora tambe ta conta!

EA News Author

Igualdad

EA News Author

Miembronan di parlamento ta haña informashon tokante plan di invershon di web boneiru

EA News Author

1 comment

Wardakosta lo kontrolá abase di reglanan di COVID-19 riba laman - Notisia 365 January 14, 2022 at 12:44 pm

[…] Source link […]

Reply

Leave a Comment