Den parlamento tabatin un reunion di comision central cu a keda yama abase di un carta cu a ser manda pa presidente di parlamento. Segun lider di fraccion di PPA ta un muchachada kico ta tumando luga den parlamento di Aruba , pero mas cu tur cos e ta mustra e aspecto anti democratico cu parlamento di Aruba ta funcionando na e momentonan aki. Un decision contra di su persona debi cu den pasado e la keda haci contra di ex parlamentario Benny Sevinger na momento cu e tabata un sospechoso y a bisa e parlamentario cu e no por biaha debi cu e tempo ey hues a condena e parlamentario y na unda cu a mustra e echo cu e no por participa na eleccionnan y por lo tanto automaticamente constitucion di Pais Aruba ta bisa cu e persona no por ta den parlamento di Aruba y door di esey e la keda prohibi pa por biaha hunto cu delegacion den reunionnan oficial cu Aruba ta wordo invita.
Segun lider di PPA Otmar Oduber esaki ta un caso totalmente diferente compara cu e caso di su persona unda cu a gana e caso y hues a corigi e caso y a bisa cu no solamente por ta den parlamento pero a mustra conforme nos constitucion cu Lider di PPA por participa na tur eleccion cu tin y no tin un prohibicion pa ta den parlamento di Pais Aruba.
Sinembargo si mester mira e politica nobo cu supuestamente ta ser papia awe por mira cu den e reunion fraccion di MEP no tabata ni den sala y no kier ta parti di e discusion. E carta cu a ser manda ta pa mustra presidente di parlamento riba dje ta cu e decision cu nan a tuma ta anti constitucional y ta contra ley y regla y ta haci un peticion na presidente di Parlamento cu como un organo legistrativo pa ban manda e decision pa Raad van Advies pa haya un conseho riba dje.
Lider di fraccion PPA a keda sorprendi debi cu nunca den su carera mester a scucha unda cu un parlamento di Aruba no kier un conseho di Raad van Advies riba un posicion cu nan a tuma cu ta totalmente anti democratico y anti constitucional. Segun lider di fraccion PPA Otmar Oduber si no tin nada di sconde , politiconan nobo di AVP y FUTURO lo a manda e carta pa Raad van Advies y laga Raad van Advies tuma su decision y loke cu dicidi e ora ey ta wordo duna.
Sinembargo si mester bay mas leu ainda e reglamento di ordo den parlamento ta bisa bon cla cu ta staten van Aruba por cambia e reglanan y leynan cu tin den e sentido di cu bo por kita for di dje, un comision central no ta staten van Aruba.
Sinembargo tampoco parlamento di Aruba no kier atende e reunion den uno openbaar ta paso un reunion openbaar ta staten van Aruba y eynan mayoria di e votonan ta conta. Sinembargo si mester mira den sala na momento cu mester a trata e carta den sala tabata presente mita di e parlamentarionan di AVP y esnan cu no ta presente a indica cu ta sostene e carta y no ta diacuerdo pa continua cu e politica bieu. Pero den un comision central manera cu e reunion a keda yama , si un persona di AVP mes bin den e reunion e so por dicidi namens AVP cu e carta no ta wordo yama y esaki a tuma luga den e reunion.
Lider di partido PPA Otmar Oduber ta indica na mes momento cu ayera e tabata den reunion hunto cu e otro lider nan di fraccion na un reunion cu presidente di eerste y tweede kamer di Hulanda y aki si por participa . E dos presidentenan di parlamento d Hulanda a invita Lider di fraccion PPA pa reunionnan na Hulanda debi cu su persona tabata e unico cu a vocifera riba e respet cu kier di den haag, PPA tabata e unico cu a vocifera fuerte cu Hulanda unda cu kier mira cu e derechonan di Aruba ta wordo respeta pa loke ta trata e cosntitucion den Rijkswet , pero naturalmente pa loke ta trata e contenido di e Rijkswet, pa motibo aki mes personalmente Lider di fraccion PPA a keda invita personalmente door di presidente di eerste kamer y Tweede Kamer pa ta den eerste kamer y Tweede Kamer na Hulanda pa participa na e discusionnan cu ta bay tin riba Rijkswet na Hulanda. Lider di Fraccion PPA ta indica cu lo percura pa cumpli cu esaki.
Ta di lamenta cu mientras cu na Aruba politica ta wordo hunga unda cu ta purba di silencia debi cu partido PPA ta e unico cu a lanta para y mustra riba e echo cu Aruba no ta bay acepta un Rijkswet caminda cu e normanan cu mester wordo defini ta wordo hinca den leynan di Hulanda y Reino , pero e mester wordo hinca den nos ley nan debi cu ta pesey nos tin un status aparte y nos tin un parlamento di Aruba. Fraccion di PPA lo para fuerte pa cu esaki y lo ta na Hulanda tambe y e unico diferencia ta cu esnan cu ta bay cu e delegacion ta wordo paga door di pueblo di Aruba y e viahe di Otmar Oduber ta wordo paga di su mes un saco.
Fraccion di PPA lo ta presente debi cu no por silencia e voz pa esnan cu a vota pa fraccion di PPA cu awe ta den parlamento di Aruba.