Parlamentario AVP Otami Thomasia Aruba ta confrontando cu problemanan di adictonan rond di nos isla cu ta afectando hopi famia. Na mes momento e situacion aki ta indica cu mester inverti mas den proyectonan pa prevencion pa cu nos hobennan cu ta bay den mal caminda.
Parlamentario di AVP Otami Thomasia ta kere cu deporte ta un tools pa yuda y brinda na nos hobennan pa Sali for di mal caminda. Nos por mira cu cada bes nos hobennan ta bay representa Aruba den exterior unda cu nan ta bin cu medayanan di oro, pero segun Parlamentario Otami Thomasia Aruba ta fayando pa tin facilidadnan deportivo apropia unda cu nan por practica deporte y arte y na unda cu tin centronan cu hobennan por yega hunto.
Parlamentario AVP Otami Thomasia ta indica na momento cu ta papia cu hobennan, nan ta indica cu no tin nada rond di nos isla cu ta brinda nan e sosten unda cu nan por bay y haci algo positivo den un sfeer social. Parlamentario Otami Thomasia kier mira proyectonan wordo haci den corto plazo pa e hobennan unda como parlamentario lo acerca minister di asuntonan social pa mi unda por brinda ayudo na organisacionnan.
Tambe por a mira cu debi cu e hobennan no ta haya ayudo localmente nan ta busca ayudo internacional y ta mira cu nan ta busca becanan internacional pa nan educacion cu ta algo hopi positivo pa nan , pero Parlamentario Otami Thomasia ta kere cu Aruba por amplia pa tin mas posibilidad nan pa mas hobennan por bin na remarca y asina yuda e hobennan aki logra nan estudio den exterior pa asina despues nan bin bek Aruba ya yuda hiba Aruba padilanti.
Como presidente di comision di Asuntonan social a yama diferente organisacionnan pa bin parlamento unda cu a constata cu tin varios organisacion no por haya nan draai bek. Sinembargo loke cu ta hopi importante ta cu manera como gobierno y parlamento ta cumpli , e organisacionnan tambe mester cumpli.
Na momento cu ta trata di cumpli ta significa cu tur documento y e jaarrekening di e organisacionnan mester ta na ordo pa asina parlamento por haya e informacion y sa unda e organisacion ta pega pa asina por yuda y informa e gobierno pa asina e organisacion por haya e ayudo necesario pa yuda e comunidad di Aruba. Importante ta pa tin transparencia y segun Parlamentario Otami Thomasia transparencia den gobernacion di AVP-FUTURO ta un di e puntonan cu kier keda pone enfasis riba dje. Na final di tur cos e responsabilidad pa un bon comunidad ta di nos tur.