Parlamentario ta presidente di comision social den parlamento y ta indica cu ta ya caba a yama varios reunion cu diferente organisacionnan y fraccion di AVP kier haya e informacionnan corecto pa asina por brinda sosten.
Segun Parlamentario Otami Thomasia Aruba ta den un momento hopi dificil mirando e desaroyonan internacional. Den parlamento a tuma luga un reunion unda cu minister di economia Geoffrey Wever a duna un presentacion y ta indica cu no ta momento pa bay den panico, pero ta momento pa mehora y trece mas pilar nan economico.
Un di e proyectonan cu Minister Geoffrey Wever a indica cu lo cuminsa cu ne ta e proyecto cultivando un miho Aruba cu lo habri 600 cupo di trabou cu lo trece un impacto positivo na Aruba. Fruta yu berdura ta hopi caro na Aruba y e proyecto di cultivando un miho Aruba ta un di e proyectonan cu ta un di e pilar nan alternativo.
Si mester compara cu Boneiro , aya tin LVV cu ta di simia pa producto cu a haya su drive caba y cu ya caba ta subsidia awa y ta percura pa tin diferente bakinan rond di e isla pa e persona nan por yega haya awa gratis. Na Boneiro tambe a cuminsa cu un parti educacional unda e personanan cu ta interesa ta haya les y asina nan por duna e servicio na e comunidad unda cu tur diasabra tin nan mercado unda cu e comunidad por haya fruta y berdura na bon prijs.
Parlamentario Otami Thomasia ta contento cu Aruba tambe a scoge pa cana e direccion aki y pesey mes a haci diferente preguntanan na minister concerni pa wak cuanto lo dura cu e proyecto aki por bira un realidad na Aruba pa asina por brinda un di dos pilar economico unda cu tin hopi trabou disponibel.
Den pasado Aruba a inverti den proyectonan y edificionan pero awe por mira cu esaki nan ta dne un estado critico un biaha mas. Esaki ta pone cu Aruba lo mester bay inverti un biaha mas den miyones den mantencion.