Ateliers’s 89 a organisa recientemente e di 12 workshop titula “Black & White: The Impact of Contrast”, un iniciativa creativo cu a enfoca riba fotografia den preto y blanco. Participantenan di e workshop a traha riba nan propio proyecto fotografico, cu finalmente a wordo presenta den un exposicion habri pa e comunidad.
E exposicion ta mustra e resultado di e proceso artistico cu e participantenan a pasa aden di e workshop, unda nan a explora e uzo di contraste, composicion y expresion visual den fotografia preto cu blanco. E trabounan a haya apreciacion di bishitante cu a tin oportunidad di admira e nivel di creatividad y tecnica logra.
E workshop a wordo guia pa Alexis Tromp, un artista visual reconoci, kende a comparti su conocemento y experiencia cu e grupo. Segun Tromp, e proceso di crea fotografia den preto cu blanco ta exigi un manera diferente di observa luz, forma y emocion, algo cu e workshop a enfoca riba dje intensamente.
E iniciativa tabata di Ataliers 89 y Biblioteca Nacional cu ta forma parti di e esfuersonan continuo di Biblioteca Nacional pa promove arte, educacion cultural y participacion comunitario riba Aruba.