E tema aki ta enfatisa e necesidad urgente pa tuma accion cu curashi y unidad pa atende cu e Resistensia Anti-Microbio (AMR). Segun e Organisacion Mundial di Salud (OMS), AMR ya caba ta dañando nos salud, nos sistema alimentario, nos medio ambiente y nos economia.
E no ta un reto pa futuro. E ta tumando luga awor. E OMS ta indica cu e cantidad di infeccion cu ta resisti na remedi ta aumentando, pero e consciencia, e inversionnan y e accionnan ta falta ainda.
WAAW ta un campaña global pa aumenta consciencia y comprendemento di AMR y pa stimula accion global contra e partimento di “drug-resistant pathogens”. Como un di e campañanan oficial di salubridad di OMS, e Asamblea Mundial di Salubridad a manda WAAW.
E Servicio di Prevencion Colectivo (CPS) ta bisa cu AMR ta surgi ora cu bacterianan, virus, fungi y parasito no ta responde mas na e antibioticonan uza pa trata un variedad di bacterianan cu ta haci e infeccionnan dificil pa trata y na momentonan imposibel, aumentando e riesgo di transmision di e malesa, malesa severo y morto.
Antibiotica y otro remedi antimicrobico ta hunga un rol principal den e exito di medicina moderno y a mehora hopi e salud di hende y bestia. Pero segun OMS, uso excesivo y mal uso a reduci nan eficacia, y mas pathogens a desaroya e abilidad pa sobrevivi e antimicrobianan diseñá pa elimina nan.
E meta di WAAW ta pa divulga informacion na diferente grupo den e comunidad y pa hende por siña mas tocante AMR, y pakico e ta un preocupacion global y ki impacto e por tin riba Sint Maarten.
Antibiotica a wordo descubri un siglo pasa y a prolonga e promedio di speransa di bida. Tur dia, e medidanan esencial aki ta salba miyones di bida.
OMS: “ A base di e impulso di e reunion di nivel halto di Asamblea General di Nacionnan Uni na 2024 riba AMR, e yamada pa accion aki ta urgi tur stakeholders interesa, incluyendo gobiernonan, sociedad civiel, dunadonan di cuido di salud, veterinario, agricultor, actornan di medio ambiente y publico, pa traduci e compromiso politico den intervicionan tangibel, responsabel y salbador di bida.
“ Pa “proteha nos presente y sigura nos futuro” , nos mester duna prioridad na inversionan di termino largo y accion strategico den e sectornan di salud di hende, bestia y medio ambiente. Fortifica vigilancia, garantisa acceso exacto na remedi y diagnosticonan di calidat, fomenta inovacion y construi sistemanan resiliente ta rekeri dedicacion y recursonan den largo plaso.
“Inversion den accion contra AMR ta un movecion inteligente pa un futuro mas sigur y saludabel. Sea ta un administrador di hospital cu ta crea un team di maneho antimicrobiano of un agricultor cu ta adopta practica sostenibel di maneho di residuo, cada accion ta conta.
No ta importa bo rol, sea ta forma politica, duna cuido, proteha ecosistemanan of aumenta consiencia, ‘Actua awo: Proteha nos presente, sigura nos futuro’ ta un responsabilidad comparti. Hunto nos por mantente e efecto di antimicrobionan y construi un mundo mas saludabel y sostenibel pa e generacionan cu ta bini.”
Press release: Gobierno di Sint Maarten
