ORANJESTAD,Aruba
Polis a keda manda cu urgencia na Balashi unda cu lo a sosode un atraco. Departamento di atraco Team a yega na e sitio y mesora a cuminsa cu investigacion . Informacion cu polis tin ta cu ta trata di un auto chikito shinishi y cu nan tabata tres persona dos cu tabata papia spaño y uno cu tabata papia Papiamento. E tres personanan aki a drenta den e cas y a maltrata e doño di e cas y a cuminsa busca tur rond y reboltia e cas completamente, sinembargo nan no a logra haña nada. Tambe e tres atracadornan aki tabata arma y a mara esnan cu tabata den e cas. Ambulance e yega na e sitio mirando cu e propetario di e cas y esnan cu tabata presente na e momentonan ey tabata hopi histerico y ademas a bira malo. Atraco Team ta trahando duro pa yega na e antisocialnan aki.
