YOU Anniversary: Aruba Tourism Authority a celebra aniversario di dos miembro di ekipo na
Latino America
‘A celebra nan dedicacion, contribucion, y pasion pa e exito diAruba como un destinacion’
Mientras cu Aruba Tourism Authority (A.T.A.) ta na LATAM pa feria di ANATO 2025, a tuma e oportunidad
pa reconoce y celebra aniversario di dos miembro di ekipo durante YOU Anniversary LATAM. Den e
edicion aki, A.T.A. a reconoce miembro di ekipo cu a alcansa momentonan importante den nan trayecto
den e organisacion, resaltando e importancia di nan contribucion pa e exito di Aruba como destinacion.
YOU Celebration ta un tradicion na A.T.A., diseña pa reconoce e contribucion valioso di empleadonan cu
tin 5, 10, 20, y hasta 25 aña den organisacion. E evento aki no ta solamente ta marca e aña di dedicacion,
sino tambe ta celebra e logro y esfuerso di cada un. Durante e ceremonia, a enfatisa riba e impacto y
calidad di e trabou cu nan ta provee na beneficio di Aruba. Cu pasenshi, perseverancia y resilencia, nos
ekipo a demostra di ta e motor cu ta promove Aruba como un destinacion turistico di clase mundial.
Den un discurso presenta pa Ronella Croes CEO di A.T.A. y Jordan Schlipken Area Director di LATAM a
expresa gratitud na e dos miembro di ekipo pa nan sosten y compromiso continuo durante hopi aña.
Alabes, riba e anochi special aki a conta cu presencia di Sanju Luidens-Daryanani CMO di A.T.A., Shadey
Figaroa HR Manager y Raul Piar ehecutivo di HR, caminda cu a reconoce Juan Carlos Ruiz Rojas –
Digital Specialist LATAM celebrando 5 aña y Heidy Hernandez Sierra – Junior Marketing Specialist
LATAM cu tambe ta celebrando 5 aña di hubileo.
E evento tambe a sirbi como un recordatorio di e legado di A.T.A. como parti di un desaroyo continuo,
unda cada empleado ta contribui cu su creatividat, talento, profesionalismo, y compromiso pa fortalese e
identidad di Aruba den e mercado global. Danki na nan esfuerso, Aruba ta sigui sobresali como un
destinacion preferí den Latino America.
Aruba Tourism Authority (A.T.A) un biaha mas ta extende palabra di felicitacion y gratitud na Juan Carlos y
Heidy cu merecidamente a wordo reconoci pa nan tremendo logro y trabou.
