Den e dianan akí e barku di marina Zr.Ms.Groningen ta hasi un bishita di trabou na Boneiru. Promé ku nan a sali, tur e miembronan di tripulashon a hasi un PCR tèst, resultado di esaki tabata negativo. Departamento di Salubridat Públiko a haña un deklarashon ku tur miembro di tripulashon ta bon di salú. E mas o ménos 90 persona ku tin na bordo, ta liber pa baha na tera. Salubridat Públiko a pidi tripulashon pa hasi esei den grupo chikitu. Tripulashon di e bapor ta na altura di e reglanan di corona ku ta na vigor na Boneiru.
Zr.Ms Groningen di bishita na Boneiru
