Segun resumen di awe 17 persona a recupera, a registra un total di 47 caso nobo di Covid-19, di cual 44 ta residente y 3 no-residente, cantidad total di testnan ehecuta ayera na e diferente localidadnan entre otro laboratorio di hospital, laboratorionan priva y aeropuerto ta 720 test, ‘positivity rate’ local riba dia di ayera ta 30%).
Activo tin awe 291 caso, cantidad di fayecido relaciona cu Covid-19 ta keda igual, 49.
Hospital ta informa cu tin un total di 7 persona interna di cual 2 ta den Cuido Intensivo y 5 riba unidad general di covid.
Aña 2020 tawata un aña di hopi reto pa miembronan di Crisis Team. E reto pa tuma e desicionan corecto pa salvaguardia salud di comunidad.
Pa medio di esaki miembronan di Crisis Team ta desea comunidad di Aruba un feliz aña 2021 cu dicha, felisidad y prosperidad por reina den cada cas rond Aruba y cu e aña nobo trece determinacion pa hunto nos sigui traha na recuperacion di nos Aruba.