ORANJESTAD,Aruba
Alan Howell ta splica cu durante e reunion publico diaranson 11 maart 2020 riba e tema Coronavirus el a
haci varios pregunta na e mandatario di Salubridad, Dangui Oduber. Algun di e preguntanan aki ta referi
na e tema di awa mes, manera con ta bay haci cu esnan cu no tin awa na nan cas. Tambe si gobierno ta
bay pidi WEB pa ta mas flexibel den e tempo aki cu cortamento di meter di awa.
Parlamentario Alan Howell ta comenta cu ta importante pa den e temponan aki, awo cu
Coronavirus a yega nos isla, pa WEB ta mas flexibel cu pago y cortamento di awa. E ta bisa cu
“si laba man ta e yabi pa evita Coronavirus segun expertonan rond mundo, e ora ey mi ta desea
pa WEB ta mas flexibel cu pago y cortamento di meter di awa”.
Parlamentario di POR ta spera di por wak un solucion pronto pa cu esaki y por scucha kico Prome
Minister cu ta encarga cu WEB ta bay bisa riba e tema aki, pasobra preveni ta miho cu cura.
