Local

Tur creche mester cera otro siman


ORANJESTAD,Aruba

Como cu tabatin un confusion, Gobierno a dicidi di emiti un instruccion relaciona cu sitionan di cuido tambe.
Den e conferencia di diabierna ultimo, Prome Minister Evelyn Wever Croes a splica cu pa siguridad a tuma e decisioncu e scolnan mester ta completamente cera otro. Den cuadro di celebracion Dia Nacional riba 18 di maart, a dicidi di duna algun ATV dag extra. Pero en bista di e problema di coronavirus unda cu e muchanan ta esnan mas vulnerabel, a dicidi cu scolnan mester ta cera henter otro siman, y den fin di siman lo evalua e situacion atrobe.
Den bista di esaki mes, a saca un instruccion pa tur esnan cu ta encarga cu e luganan di cuido di muchanan chikito. Tur sitio cu ta cuida muchanan, for di baby te cu esnan despues di scol, cu ta negoshinan priva, mester cera nan portanan otro siman. “Esaki ta necesario pa hunto nos combati efectivamente y minimalisa e riesgonan di contagion y efectonan di Covid-19 (coronavirus),” Minister Glenbert Croes, encarga cu Labor y Asuntonan Social, a bisa den su instruccion.
Den e dianan cu ta sigui lo sigui monitoria e situacion y mira ki pasonan mester tuma.
Decisionnan similar a wordo tuma caba den fin di siman pa por ehempel pa Casnan di Cuido pa esnan malo y esnan di edad halto. Esaki pa motibo cu e dos gruponan aki ta esnan mas vulnerabel pa haya e virus y unda cu medidanan di prevencion ta hopi necesario.

Related posts

The Wisdom Coach (den Centro QUiVit), banda di duna e servicio di Coaching Spiritual, ta duna regularmente tayer nan creativo cu un toke spiritual

EA News Author

Minister Glenbert Croes: Sociaal Crisis plan ta continua

EA News Author

Resumen di casonan di covid-19 na Aruba pa awe.

EA News Author

Leave a Comment