ORANJESTAD,Aruba
Aruba Hotel & Tourism Association ta lansa offersahata.com, un website cu lo inclui ofertanan special di miembronan pa nos mercado local. Manera AHATA a indica anteriormente ta pronostica cu lo experiencia un trayectoria di recuperacion turistico hopi largo. E efectonan di COVID-19 riba mundo ainda ta desaroyando. Cu e ayudo financiero cu Gobierno di Aruba a ricibi di Reino un esfuerso ta sigui pa proteha bienestar di residentenan y stimula actividad economico.
E iniciativa di parti AHATA ta pa ofrece un plataforma na nos comunidad pa disfruta di ofertanan exclusivo. Riba offersahata.com tin ofertanan den diferente categoria, entre otro pa: actividadnan, electronica, restaurant, compras, staycations, wellness y mas. E plataforma ta mustra e miembro di AHATA y su oferta, y tin informacion con pa haci e transaccion.
Mirando e reapertura di nos economia y con sector di hospitalidad ta habriendo gradualmente, AHATA lo keda update e pagina cu ofertanan exlusivo di parti di su miembronan.