ORANJESTAD, Aruba
Parlamentario Endy Croes ta recorda cu 1 di September 2017 Mike Eman Lider di AVP na un manera bochornoso a malgasta Afl.142.000 florin riba un solo anochi. Esaki tabata riba e anochi di 1 di september 2017 den porta di elecion unda Mike Eman a celebra su cumpleaños bou capa di apertura di e brug na Spaanslagoen. Aki tambe tabata ti corupcion y fraude como cu e recibonan di pago a wordo aproba pa Mike Eman y Benny Sevinger casi 1 luna despues di e fiesta pues achteraf.
/// No obstante cu Mike a ricibi plaka di Roberto Rincon a gasta plaka di pueblo:
No obstante cu awor ta tin prueba riba mesa cu Mike Eman desde 2013 a ricibi varios transferencia di plaka preto di Roberto Rincon. Ta papia di sumanan di $50 mil dollar esta 90 mil florin cu Mike a ricibi riba su cuenta. Tin keho oficial na Ministerio Publico alrespecto y ta enespera di e desaroyo aki tambe. Apesar cu Mike a ricibi plaka preto aki Mike consientemente ta escohe pa malgasta 142mil riba 1 solo anochi 1 di september 2017 pa celebra su fiesta. Que simberguensa!
/// Mesun Mike Eman cu a redobla e debe nacional di Aruba:
Ta mesun Mike Eman aki a percura pa redobla e debe nacional di Aruba. Mike Eman a ricibi pais Aruba cu un debe nacional na 43% na october di 2009 momento MEP a sali di gobierno. 43% tabata den tur normalidad como cu IMF ta recomenda debe nacional di un isla na maximo 55% esta e depth anchor di 55%. Pues den 23 aña di Status Aparte di 1986 pa october 2009 esaki tabata ta 43%. Den 8 aña di Mike Eman di AVP esta di 2009 October pa 17 di November 2017 Mike Eman manera un destroyer a percura pa redobla e debe di nos pais. Consecuentemente awe Aruba ta na rudia pa Hulanda sin hopi salida. Danki pa Mike Eman y AVP. Si a maneha drechi awe Hulanda no por pone precion riba Aruba. Mike Eman a manda EMCO 2 biaha bancarota. Mike Eman a presta 2 miyon na Interbank y a percura pa e banco bati bancarota y nunka mas a paga. Mike Eman a manda ATV canal 15 bancarota. Finalmente Mike Eman a manda Pais Aruba bancarota. Un hende asina hamas por bolbe na timon di pais Aruba. Awe cu e no tin e cartera di pueblo den su man ta bon pa nos monitoria na unda e lo celebra 1 di September 2020!
