ORANJESTAD, Aruba
No por keda consulta pueblo, solamente falta nos grandinan pa duna nos opinion kiko nos ta pensa di e decision cu Hulanda a tuma.
Di e hobennan profesional mi ta haya cu masha poco puntonan interesante a sali afor, e miedo pa duna un opinion sabio ta domina nan. Keda para un banda y critica enbez di pone boso na servicio di nos pais y asina drecha asunto, ta paso cu boso mester tuma. Falta di corahe pa bisa esnan e berdad, kendenan a faya cu nos Status Aparte, nos outonomia, no tabata presente.
Sigui para un banda y critica no ta yuda nos pais y na e momento cu mester trece bon cla boso punto di bista y con boso si lo drecha e situacion, tabata carece di tabata den boso vocabulario e atardi aki.
Minister President mr. Evelyn Wever Croes, den dos encuesta mas di 70 % a mustra bo nan apoyo na bo pa firma e documento. Bo ta keda menciona cu bo lo no permiti cu e pueblo aki lo kibra, pero poco poco pa falta di corahe pa tuma un decision, esaki lo bai sosode sigur. Bo ta realisando si cu tempo no ta keda para y warda ariba bo? Bo ta realisa si cuanto desempleo tin caba? Bo ta realisa cuanto pobresa tin y famianan ta hayando un solo cuminda cayente pa dia? Bo ta realisa cuanto famia no tin luz y awa? Bo ta realisa cuanto negoshi lo bai falliet. BO TA REALISA CON POBER NOS PAIS TA?
Realisa cu 70 % di nos pueblo ta bo tras pa firma e documento.
Tur esnan cu ta contra, ta pasobra nan tin miedo cu Hulanda bin controla y hopi cos lo sali for di e bahul di pandera. Pa nos parti Hulanda habri tur caso y cuminsa investiga desde cu Aruba a haya su Status Aparte. Esaki lo trece respet y termina cu abuso di poder na unda POLITICONAN ELITE, A BIRA MIYONARIO CU PLACA DI PUEBLO.
MIrando e e rumbo cu e virus ta tumando, por saca afor cu e situacion ta out of control y cu ta daño economico so lo e trece cune. Nos profesionalnan no tin e capacidad pa tuma un decision y para pe, pa asina evita cu nos pais lo ser derota cruelmente door di un virus. Unda e ta? Ningun hende por saca afor, solamente ta bon cla cu e ta ariba henter Aruba. Dia pa dia e situacion ta birando mas desastroso.
Dios proteha y bendiciona nos pais y libra nos di politiconan corupto y cu a horta unda cu nan tabata por, esaki ta nan mes ta culpa otro di dje. Coi e saco di placa y core bai cune, no ta e solucion.
Movimiento Futuro pa un Aruba nobo
