Minister di enseñansa ta lamenta cu oposicion no ta trece e berdad padilanti. Ta increibel con parlamentario Marlon Sneek ta expresa cu mi persona como minister di enseñansa kier bula cabes di gerencia di SKOA. Segun e mandatario esaki no ta cuadra cu berdad. Sinembargo tin un situacion na SKOA cu juez a dicta un sentencia unda cu SKOA a tuma desicionnan contra di ley. Tin un raport cu ta mustra cu a actua contra di ley, pero tambe a causa un daño finansiero di 8.5 miyon na SKOA. E mal maneho aki cu a keda discubri ta hinca SKOA den un posicion dificil y ta perhudica SKOA completamente. Segun Minister Rudy Lampe esaki ta e tristo situacion cu tin actualmente na SKOA. Tipo di actonan asina ta na Aruba so ta keda tolera, si ta na paisnan manera Merca y of Hulanda lo tin otro esenario y inmediatamente lo tin un accion pa salvanguardia e future di e Pais.
Tin rapport cu a sali na cla cu dirigentenan di SKOA a actua contra ley y a causa daño di 8.5 miyon
