Mike de Meza y Mike Eman a plunder AAA
Parlamentario Endy Croes a amplia riba e situacion na Airport. Berdaderamente e crisis a causa un impacto y di acuerdo cu prognosticonan e aña aki airport lo core cu un perdida di 28 miyon florin. Parlamentario Croes a hasi uso di un “tools” cu nan tin como miembro di Parlamento y a hasi preguntanan oficial por escrito na Minister encuestion esta Minister Danqui Oduber kende na su turno ta pidi AAA contesta riba diferente pregunta pa por tin mas informacion alrespecto AAA.
/// Mike de Meza y Mike Eman a saca 50 miyon na dividendo:
Di acuerdo cu informacionnan ricibi ta hopi tristo pa mira con Mike de Meza y Mike Eman di AVP a “chica” airport na un manera criminal. Pa cuminsa mester recorda con Mike de Meza “himself” y Mike Eman a campaña na 2009 cu nan NO lo saca ningun dividendo for di companianan estatal. Manera nan a drenta gobierno nan ahasi totalmente lo contrario. Mike de Meza y Mike Eman di AVP a saca total 201 MIYOn na dividendo di companianan estatal. Pa lokual ta trata airport nan a “chica” 50 miyon desde 2010 pa 2017 y esaki ta cifrasnan official. Lokual a resalta cu den aña di elecion na 2013 Mike Eman a saca 23.3 miyon na dividendo den un solo aña cual ta mas cu 5 vez e normal cu nan tabata saca pa aña. Banda di esaki Mike de Meza a percura pa emplea 47 persona extra aumentando e payroll di airport di 22.5 miyon na 2009 pa 30 miyon pa aña na 2017.
/// Mike de Meza y Mike Eman a gasta 4 miyon di AAA na abogado:
Den cuadro di informacion ricibi a resalta tambe cu bou gobernacion di AVP a gasta 4 miyon florin na abogado. Atrobe a resalta cu na aña 2013 a gasta den un solo aña 729 mil na abogado atrobe den aña di elecion y ta frapante pa mira con aña 2013 tabata e “uitschieter” den tur gasto. Malalenga ta splika cu cheques nan di algun agogado tabata cumpra masha hopi material pa campaña di AVP. Pueblo ta corda e campaña miyonario? Poko poko e puzzle ta wordo arma. Un otro post cu tambe por a tuma nota cu a saca masha hopi placa ta Donations y Sponserships. Akinan Mike de Meza y Mike Eman a saca un otro suma di 4 miyon florin pa regala amigonan. Nos por corda e auto di careda di ruman di Mike Eman cu a ricibi 1.6 miyon florin tambe a ricibi fondonan di AAA. Pues di ruman pa ruman. Aki no mag di papia di friends and family.
/// Mike de Meza y Mike Eman a ranca 3 miyon di AAA na marketing:
Pa lokual ta trata marketing Mike de Meza y Mike Eman a autorisa pa gasta un otro 3 miyon florin. Atrobe aña 2013 e aña di elecion ta resalta cu a gasta mas. Malalenganan ta bisa akinan cu tanto Teragroup di Patrick Paskel y Paxi di casa di Partick Paskel ta esnan cu a goza di mayoria di e entradanan aki. Mester recorda cu Patrick Paskel a haña di gobierno di Mike Eman 7 miyon den 8 aña di gobernacion, tambe a strika den Utilities y RDA un otro miyon y awor ta mira cu AAA tampoko a scapa nan. Di e plakanan aki malalenga a splika cu Patrick Paskel y Speed tabata biaha y carga maleta pa Mike Eman y Mike de Meza. Kisas ta bon pa Mike Eman y Mike de Meza splika pueblo cuanto % di e bolo di 3 miyon di AAA aki a bay den cartera di nana amigonan Patrick Paskel y Speed Andrade. Analisando finalmente por tuma nota cu banda cu Mike de Meza y Mike Eman di AVP a “chica” 50 miyon na dividendo di AAA nan a ranca 7 miyon reparti den nan amigonan abogado y companianan di mercadeo di Patrick Paskel y Speed Andrade. Banda di esaki a aumenta payrol cu 7 miyon pa aña. Di acuerdo cu informacion ricibi tin miembronan di directiva ainda eynan cu a forma parti di e fiesta aki. Awe tin un Director nobo kier baha tur e malgastamento di plaka aki riba lomba di empleadonan mandando empleadonan cu no a forma parti di ningun di e desicionnan aki cas. AAA tin ademas 253 miyon na reserva. Het kan verkeren!