BonaireFeatured

Boneiru ta marka historia komo parti di Observadonan Internashonal den elekshonan historiko di Mexico I ta testigo di elekshon di e prome presidente muhe, Claudia Sheinbaum

James Finies

Boneiru ta marka historia komo parti di Delegashon di 35 pais partisipando komo Observadonan Internashonal di COPPPAL durante e Elekshonan General di Mexico 2 di juni 2024. E evento historiko aki a koinsidi ku e elekshon di e prome presidente feminina, Claudia Sheinbaum. E delegashon di Boneiru tabata konsisti di James Finies di Pueblo Progresivo Uni, Kaile Finies di Fundashon Movemento Pa Kambio I Davika Bissessar di Bonaire Human Rights Organization.”  E representantenan Kalie Finies y Davika Bissessar a wordu spesifikamente asigna na e estado di Puebla i James Finies na e estado di VeraCruz.

James Finies lider di Pueblo Progresivo Uni a deklara: ku estando na Republika Dominikana I awor na Mexico su elekshonan presidensial komo Observadornan Internashonal ademas di kumpli ku su deber komo observador independiente, e la hanja tambe e oportunidat pa hasi konosi na nivel internashonal nos trajektoria, trabaonan I esfuersonan pa pone Boneiru riba lista di Teritorionan-Sin-Propio-Gobernashon di Nashonan Uni. Finies ademas a enfatisa e nesesidat di proteha Demokrasia Real, afirmando:”Komo nos tur ta nase igual den dignidat I derecho, den kontraste ku e situashon di Boneiru, ku ta marka pa desigualdat I representantenan elegi ku ta subordina, I leynan ku ta wordu impone pa Den Haag na luga di pa e asina-yama gobiernu elegi di Boneiru, mientrastanto ku nos ta enfrentando un genosido demografiko I kultural dor Reino Hulandes,  Demokrasia Real mester segura ku gobernashon di un sosiedat mester representa I sirbi e aspirashonan di e pueblo. E ta pa permiti kada suidadano ekspresa su derecho I voz pa ku nan deseonan pa futuro.

Kaile Finies di Fundashon Movementu pa Kambio a nota ku su eksperiensa durante e elekshon historiko di Mexico aki tabata asombroso ” Aunke tabata un honor pa tabata eynan pa presensia e elekshon di e prome presidente muhe, tin hopi trabao ahinda pa wordu hasi pa garantisa ku tur hende por vota di un manera hustu I sigur. Mi a papia ku varios suidadano ku a ekspresa nan preokupashon ku dor di e rei largu nan no lo yega na burt na tempu pa por hanja stembiljet pa vota.

Davika Bissessar Shaw presidenta di BHRO: “Mexico ku un poblashon di mas ku 200 mion ta di importansia pa highlight e importansia di derechonan humano durante elekshonan, bisando, “Respetando derechonan humano ta fundamental pa segura ku elekshonan ta husto, tin kredibildat I ta refleha e boluntat di e pueblo.” Nos delegashon a traha duru I hasi un bon trabao.

 

Related posts

Minister Chris Romero: Mester restaura Aruba su economia pa fortifica nos posicion den cualkier otro crisis cu presenta

EA News Author

Desde diadomingo 3 di April, 2022: TUI Fly Belgium lo cuminsa bek cu servicio temporal entre Brussel y Aruba

EA News Author

Tourism Corporation Bonaire ta yama e kampion di EFPT 2021 Amado Vrieswijk bon biní bèk na Boneiru

EA News Author

Leave a Comment

Whatsapp Message