Gobièrnu di Boneiru ta atvertí komunidat di e rísiko pa natamisina den “Boerenkaas Oud” di e marka “Van den sterre”. E produkto ta importá for di Hulanda.
Kiko ta Natamisina?
Ta apliká Natamisina komo remedi kontra fúngus. Ta aplik’é mas tantu pa kubri keshi (coating) i den produktonan di karni. Ta apliká e medio aki tambe den remedi pa kombatí infekshon di fúngus.
Si a kumpra e produkto ariba menshoná, ta konsehá pa no uza esaki. Direktorado di Supervishon i Mantenshon di lei ta vigilá e situashon aki. Pa kualkier pregunta por tuma kontakto ku Direktorado di Supervishon i Mantenshon di lei na: 715-5300.