Dia uno di December, Aruba a habri su frontera completamente. Cual ta rekeri cu nos lo mester haci nos miho esfuerzo pa asina keda proteha nos mes, nos bishitantenan y comunidad completo door di sigui e protocolnan di higiena y distanciamento social stipula pa Departamento di Salud Publico.
Departamento di Salud Publico conhuntamente cu otro autoridadnan, ya caba pa varios luna ta inspeccionando diferente establecimientonan pa e Gold Seal. Na e momentonan aki “otro tipo di acomodacion” ta wordo controla pa e protocol di COVID-19. Taxistanan ta un segmento cu ta di suma importancia pa cu e transportacion di nos bishitantenan, pues lo bai over na haci un accion pa cu e taxistanan y asina brindanan e oportunidad pa ricibi e Gold seal. E accion aki lo ta un cooperacion di diferente departmento, entre otro Departamento di Salud Publico, Departamento di Transporte Publico, Dienst Technische Inspecties y tambe Korps Politie Aruba. Durante e accion aki lo haci un control riba e siguiente puntonan;
Criteria necesario pa cu vergunning:
- Keuringskaart valido
- Exploitatie y rijvergunning valido
- Rijbewijs valido
Criteria mandatorio pa cu cumplimento di protocolnan di higiena:
- Bisti tapa boca (mask) na tur momento cu tin interaccion y/of un (of mas) cliente den e vehiculo
- Hand sanitizer disponibel pa e taxista y cliente(nan)
- Limpia e areanan den vehiculo mas uza / areanan cu ta wordo mishi frecuentemente (manera porta/ door handle/ stoel), despues di cada cliente
- Ventila (ontlucht) e auto pa algun minuut despues di cada cliente
- Mantene un lista di contacto (conteniendo nomber, telefon, hotel/adres, fecha)
- Tin un borchi visibel cu bo nomber, telefon y number di taxi
Ta pidi tur taxista pa tuma nota di e puntonan menciona aki riba, y pa tin tur cos na ordo pa cu e accion aki cu lo tuma luga, Diabierna 11 di December 2020, pa asina por ricibi e Gold seal di HH Code.
.