Premier Evelyn Wever-Croes su meta ta pa hiba Aruba padilanti, esaki claramente e no por hacie su so, pero cu e team cu tambe mester wak den un solo direccion ‘’ARUBA’’ hunto lo por logra esaki. E prome mandatario di e pais a reuni cu conseheronan y directiva y hunta di Serlimar y cuminsa cu busca un solucion pa e problema di desperdicio na Aruba. Un problema serio cu mester haya un bon solucion. E problema di Parkietenbos ta un situacion cu varios gobierno a bin y varios gobierno no a haci nada pa yuda hiba e compaña aki di serlimar padilanti. Serlimar ta un hoya pa Aruba, desperdicio tin placa den dje cu por ta un otro formula di entrada pa Aruba. Importante ta cu e prome pasonan a cuminsa cu reunionnan pa posibel solucion pa e situacion di serlimar y Parkietenbos.
