Algo di condena totalmente ora c’un político y den e caso aki, un mandatario y su partido, ta drenta cas pa cas pa busca voto, plamando angustia den famia, manera minister demisionario Glenbert Croes a bin ta haciendo y otro miembronan di partido MEP.
Marlon Sneek di partido AVP ayera mainta durante un conferencia di prensa, a mustra cu ningun momeno ta berdad e mentiranan cu e mesun politiconan aki ta plamando, algo cu segun sr Sneek, nan a bira experto aden caba.
“Pueblo por corda con den campaña di 2017, e mesun politiconan aki a plama cantidad di mentira rond cubri bou di e capa di promesa caminda a priminti un serie di promesa cu NUNCA a wordo cumpli.
Awe nos ta haya cu e gobierno di MEP aki ta bayendo cas sin por a duna pueblo loke nan a priminti den campaña di 2017, entre otro drecha e situacion financiero sin tuma medida y pueblo tin cuater aña bibando horca cu tanto medida cu e partido di Evelyn Wever Croes a tuma.
A priminti gasolin barata pero diaranso 9 di juni, pa di den un lapso di dos luna, gasolin ta bolbe subi ya cu e partido di MEP a mara e pais na un cotract di hedging for di cual e no por Sali.
E priminti baha edad di pension pero Evelyn a firma cu Hulanda pa aumenta esaki ainda mas mientras cu den e Landenpakket, e lider di MEP a firma pa mas di 1000 trahado publico wordo manda cas.
A sigura cu lo goberna cu integridad pero a dicidi di core c’un minister cu a bin denucnia corupcion y mientras cu e lider di MEP a papia di reduccion di gasto di maneho di gobierno, oficna di su tata a sigui cobra miyones pa entre otro manda whatsapp.
Glenberta ta drentando cas di ciudadanonan, informando cu Fase ta su persona y partido MEP a bin cu esaki, mientras cu e sa masha bon cu e ta gaña pueblo ya cu esaki ta un prestamo cu gobierno Hulandes ta duna Aruba y ta palca cu e propio hendenan aki, tin cu bay paga bek.
E ta papia cu si e bay Fase lo termina loke no ta berdad mientras cu tambe el a papia cu lo introduci un otro tipo di yudansa financiero cu ta otro mentira flagrante.
Con Glenbert Croes y partido MEP por papia di finansa na un momento cu ainda no tin presupuesto aproba di 2021 y ainda no tin nocion di kico presupuesto 2022 lo bira, pues Glenbert ni su partido sa con ta yega na e placa aki pero esaki por wordo interpreta como mas medida contra pueblo, mas medida den cartera di pueblo, loke a bira un custumber caba di e partido geel aki,” Parlamentario y candidato nmber 10 di partido AVP, Marlon Sneek a declara.