Minister di Husticia Rocco Tjon a reuni cu personal di brandweer na nan base di airport. Esaki mirando cu nos ta den “International Fire Prevention Week e mandatario ta haya importante pa por a scucha y analisa loke ta importante pa departamento aki. Bomberonan ta crucial pa e seguridad di nos pais y un cuerpo esencial den e cadena Hudicial.
Di parti Ministerio ta lamenta cu e aña aki e siman aki no a keda celebra manera custumber. Esaki ta debi na hopi factor. Sinembargo a splica e personal presente cu hunto cu e MT, sindicato y nan mes, lo duna e cuerpo aki su debido atencion e añanan nos dilanti. Atraves di participacion real hunto lo percura pa e cambionan mas necesario pa loke ta trata material, “opleidingen” y nan “persoonlijke uitrusting”.
Sinembargo Minister di Husticia kier para keto y tuma e momento pa felicita tur bombero riba nan dia. “International Fire Prevention Week”, ta keda celebra cada di dos siman di October, como manera pa conmemora y hasi comunidad consciente di e importancia di “Fire Safety”.
Na tur esnan cu ta traha na brandweer, Minister di Husticia Rocco Tjon ta felicita tur riba nan dia y danki pa percura pa seguridad di nos pais.