Durante e ultimo siman di juli, Aruba One Happy Island Lions Club a subi caya y colecta na diferente rotonde pa asina haya fondo pa cubri gastonan di e Back to School project.
Danki na e generosidad y cooperacion di comunidad di Aruba nos a colecta suficiente fondo pa asina yuda 60 mucha di menos recurso cu nan tas pa e aña escolar nobo.
Tur mucha a haya un tas nobo cu schrift, mapnan pa usa na school, etui cu pen, potlood, slijper, gum, liniaal, kleurpotlood of kleurstiften.
Danki na un y tur cu ta yuda Aruba One Happy Island Lions Club pa asina nos por sigui yuda esnan den comunidad di Aruba cu tin mas necesidad
